РУС АДЫГ

Адыгеим и ЛIышъхьэу КъумпIыл Муратрэ Урысые Федерацием и Президент и Полномочнэ лIыкIоу Къыблэ федеральнэ шъолъырым щыIэм игуадзэу Антон Калининымрэ IофшIэгъу зэIукIэгъоу зэдыряIагъэм илъэхъан анахьэу анаIэ зытырагъэтыгъэр 2021-рэ илъэсым ехъулIэу кIэлэцI

12.04.2018

Адыгеимрэ Италиемрэ язэпхыныгъэхэр гъэпытэгъэнхэмкIэ Адыгэ Республикэм и ЛIышъхьэу КъумпIыл Мурат пшъэрылъэу афишIыгъэхэр агъэцакIэхэзэ, республикэм ихэбзэ Iэшъхьэтетхэр инвестиционнэ амалхэу Адыгеим иIэхэм Италием ипредпринимательхэр нэIуасэ афашIынхэм фэхьазырых.

ЛъэныкъуитIуми язэдэлэжьэныгъэ анахьэу зылъыIэсыщтхэр гъэсэныгъэр, псауныгъэм икъэухъумэн, турист-рекреационнэ отраслэр, агропромышленностыр, сатыур, логистикэр, промышленностыр, энергетикэр ары.

— ЗэIукIэгъухэм ялъэхъан тизэдэлэжьэныгъэ зэрэлъыдгъэкIотэщтхэ лъэныкъохэм, республикэм иэкономикэ инвестициеу къыхалъхьан алъэкIыщтыр зыфэдизым татегущыIэщт. Тиреспубликэ лъэныкъуитIуми язэдэлэжьэныгъэ лъагъэкIуатэ, лъэныкъо зэфэшъхьафхэм: мэкъу-мэщым, туризмэм, энергетикэм, псауныгъэм икъэухъумэн инвестициехэр къахыригъалъхьэхэ шIоигъу, — къыIуагъ КъумпIыл Мурат Италием щыщ лIыкIо купыр къызэрэкIощтым зызэрэфагъэхьазырырэм къытегущыIэзэ.

Промышленнэ, мэкъумэщ, псэолъэшI, турист-рекреационнэ бизнесым зегъэушъомбгъугъэнымкIэ инвестиционнэ предложениехэу инвестиционнэ площадкэ 75-рэ гъэпсыгъэным атегъэпсыхьагъэр Италием ибизнесменхэм апае агъэхьазырыгъах. Ащ хэхьэх турист-рекреационнэ паркэу «Джэнэт», индустриальнэ паркхэу «Теучежский», «Кошехабльский», «Майкопский» зыфиIохэрэм ягъэпсын.

Шъугу къэтэгъэкIыжьы: мэлылъфэгъум ыгузэгухэм адэжь Италием ипредпринимательхэм ялIыкIо купышхуи, Италиемрэ Урысыемрэ ясатыу-промышленнэ палатэ илIыкIохэри Адыгеим къэкIощтых. Италием илIыкIоу Урысые Федерацием щыIэ Паскуале Терраччано апэрэу Адыгеим къэкIощт. Джащ фэдэу Iофтхьабзэм хэлэжьэщт Италием ипочетнэ генеральнэ консулэу ЮФО-мрэ СКФО-мрэ ащыIэ Пьерпаоло Лодиджиани.

Адыгэ Республикэм и ЛIышъхьэ ипресс-къулыкъу



Возврат к списку