РУС АДЫГ

Тыгъэгъазэм и 27-р — Урысые Федерацием икъулыкъухэу цIыфхэм якъэгъэнэжьын фэгъэзагъэхэм яIофышIэ и Маф

27.12.2019

ЦIыфхэр къэзгъэнэжьыхэрэ къулыкъухэм ащылажьэхэу лъытэныгъэ зыфэтшIыхэрэр!

Шъуисэнэхьат епхыгъэ мэфэкIым пае тышъуфэгушIо!

ЛIыхъужъныгъэ ин зищыкIэгъэ сэнэхьатым зищыIэныгъэ езыпхыгъэхэм мы мафэм гущыIэ фабэхэр апэтэгъохых.

ЧIыпIэ зэжъу ифэгъэ цIыфхэм IэпыIэгъу шъуафэхъуным, ошIэ-дэмышIагъэ зыхэлъ тхьамыкIагъоу къыкъокIыхэрэм ахэр ащышъуухъумэнхэм сыд фэдэрэ уахъти шъо шъуфэхьазыр ыкIи шъузышъхьамысыжьэу шъуипшъэрылъ шъогъэцакIэ.

ШъуиIэпэIэсэныгъэрэ шъуиопытрэ яшIуагъэкIэ тиреспубликэ щыпсэухэрэм ящыIакIэ щынэгъончъэу зэрэщытыщтым тицыхьэ телъ.

ЩэIагъэу шъуиIэм, шъуиIоф шъузэрэфэшъыпкъэм, теубытэгъэ ин зэрэшъухэлъым апае инэу тышъуфэраз.

Ныбджэгъу лъапIэхэр, псауныгъэ пытэрэ щыIэкIэшIурэ шъуиIэнэу, Адыгеимрэ Урысыемрэ яфедэ зыхэлъ Iофэу жъугъэцакIэрэм тапэкIи гъэхъагъэхэр щышъушIынхэу шъуфэтэIо!

 

Адыгэ Республикэм и ЛIышъхьэу, Урысые политикэ партиеу

«Единэ Россием» и Адыгэ шъолъыр къутамэ и Секретарэу

КъумпIыл Мурат

 

Адыгэ Республикэм и Къэралыгъо Совет — Хасэм и Тхьаматэу

Владимир Нарожный



Возврат к списку