РУС АДЫГ

Къурмэн мэфэкI

31.07.2020

Адыгэ Республикэм ис быслъымэнхэу лъытэныгъэ зыфэтшIыхэрэр!

Къурмэн мэфэкIышхомкIэ тышъуфэгушIо!

ЧэбэкIоныр заухырэм тефэрэ мы мэфэкIышхом зэгъунэ­гъушIу зэфыщытыкIэхэр егъэпытэх, быслъымэнхэр шIум фещэх, зэфэгумэкIыжьынхэм, лъытэныгъэ зэфыряIэным, гукIэгъу ахэлъыным цIыфхэр нахь къыфегъэущых.

Къурмэн мафэм быслъымэнхэм яуахътэ амал зэриIэкIэ ягупсэхэм адагъакIо, сэдакъэ аты, сымаджэхэм акIэупчIэх, фэныкъохэм яшIуагъэ арагъэкIы.

МэфэкI мэфэшхом Адыгеим ис пстэуми тыгу къыддеIэу тафэлъаIо мамырэу псэунхэу, шIумрэ хахъомрэ ащымыкIэнхэу, псауныгъэ пытэрэ гъотрэ яIэнэу, яунагъохэм гуфэбэныгъэ арылъынэу!

Къурмэн мафэм унагъо пэпчъ гушIуагъорэ насыпрэ къаферэхь!

Адыгэ Республикэм и ЛIышъхьэу, Урысые политикэ партиеу «Единая Россия» зыфиIорэм и Адыгэ шъолъыр къутамэ и Секретарэу
  Адыгэ Республикэм и Къэралыгъо Совет — Хасэм и Тхьаматэу  
КъумпIыл Мурат
             Владимир Нарожный



Возврат к списку